über uns

Hoi du…

…schön dass du uf nes bsüechli bi üsem blog verbiichunsch! Ganz herzlich willkomme!

De blog wird vo minere schwöschter Julia und vo mier (Nina) betriebe. Mier schaffid beidi im bluemegschäft vo üsne eltere. Das bluemegschäft isch en echte familiebetrieb. Üsi eltere führid de lade und au mini beide ältere brüedere und die dritti schwöschter schaffid teilziit für Blueme Müller.

Mier liebid üsi arbet und möchtid die viele schöne sache, wo mier täglich demit zdue hend mit üch teile…

Mier freuid üs über jedi mitteilig, aaregig oder kritik…schrib üs eifach, was dir gfallt.

…Syringa? Wieso denn syringa? Villicht fragsch du dich das ja au…

…wie scho gseid sind mir als grossfamilie mit floristen als eltere und eme schöne garte ufgwachse. Und im frühling, jedes mal wenn de Flieder blüeht het, het üses mami üs de latinisch name gseit und mir sind de feini duft go iischnufe. Syringa vulgaris isch also eifach de latinisch name vom «Gemeinen Flieder», wo mier scho sid chind kenneglernt hend.

Vili grüess und viel spass uf üsem blog

Nina

…wen ier frage hend, beantwortemer die gärn über die email-adressi: info@blumenmuellerschwyz.ch